Մադրիդի «Ռեալի» եւ Ռուսաստանի ազգային հավաքականի նախկին գլխավոր մարզիչ Ֆաբիո Կապելլոն գովասանքի խոսքեր է ասել Եվրո 2016-ում Իսպանիայի ազգային հավաքականի հասցեին:
Իտալացի մասնագետի կարծիքով՝ Վիսենտե դել Բոսկեի թիմը մրցաշարում լավագույն ֆուտբոլն է խաղում: «Իսպանիայի հավաքականը լավագույնն է Եվրո 2016-ում: Այն շատ ուժեղ թիմ է, չնայած Խորվաթիան ինձ շատ է դուրս գալիս: Իսպանիայի խաղն իսկական կախարդանք է: Այն շատ ուժեղ ֆուտբոլիստներ, հիանալի գլխավոր մարզիչ եւ երկրպագուներ ունի: Եթե առաջնությունում Իտալիան չհաղթի, ես հաղթանակ մաղթում եմ Իսպանիային», – Կապելլոյի խոսքերը մեջբերում է Marca-ն:
Այսօր փլեյ-օֆֆում միմյանց հետ հանդիպելու են Իտալիան եւ Իսպանիան:
Աշոտ ՀԱԿՈԲՅԱՆ
