«Ես ուզում եմ արձանագրել՝ ընդդիմության հետ քաղաքական մեծամասնությունը որոշակի համաձայնության է հասել՝ այնքանով, որքանով դա անվտանգ է իշխանության համար: Ի՞նչ եք կարծում, ինչո՞ւ է Հայաստանում այնպես, որ ընտրությունների միջոցով իշխանություն չի լինում փոխել: Պարզ հարց եմ տալիս, ժողովուրդը դժգոհ է իշխանություններից, բայց ընտրությունների միջոցով իշխանությունը չի փոխվում, ի՞նչն է խնդիրը, միգուցե պայմաննե՞ր չկան»,- այսօր ԱԺ արտահերթ նստաշրջանում Ընտրական օրենսգրքում փոփոխություններ անելու նախագծի քննարկման ժամանակ ԲՀԿ պատգամավոր Միքայել Մելքումյանն այս հարցն ուղղեց կառավարության աշխատակազմի ղեկավար-նախարար Դավիթ Հարությունյանին:
Նա հարցրեց՝ այս Ընտրական օրենսգրքով ինչ-որ բան կփոխվի՞, թե՞ կստանանք այն, ինչ ստացել ենք միշտ:
Վերջինս էլ պատասխանեց. «Ես ընդդիմադիր կեցվածքը հասկանում եմ, որ միանգամից մարդու ուղեղի հիշողության մի հատվածը կտրուկ ջնջում են, ուզում եմ ձեզ հիշեցնել, որ ինչ-որ մի պահ դուք էլ եք եղել էդ նույն իշխանությունում: Եվ եթե նկատի ունեք, որ կստանանք հենց նույնը՝ միգուցե կստանանք, միգուցե՝ ոչ»:
Դավիթ Հարությունյանն ասաց, որ նպատակահարմար չի համարում պատասխանել Մելքումյանի հարցերին՝ համարելով, որ դրանք բացարձակապես տեղին չեն: Նա ասաց, որ քաղաքական բարձր բաներից կարող են խոսել, որոնք ԸՕ-ի հետ կապ չունեն:
Կարդացեք նաև
Հռիփսիմե ՋԵԲԵՋՅԱՆ
