«Յուրաքանչյուր քաղաքացու համար պետք է մերժելի լինի նման համաձայնագիրը, որովհետեւ մեծ պատերազմից առաջ նման իրավունք է լիազորվում մի պետության, որը հռչակվել է դաշնակից, բայց բազմաթիվ անգամ ցույց է տվել, որ առավել դաշնակցային է Ադրբեջանի հետ հարաբերություններում, քան ՀՀ-ի»,- այսօր ԱԺ-ի դիմաց ՀՀ-ի եւ ՌԴ-ի միջեւ ՀՕՊ միասնական համակարգ ստեղծելու համաձայնագրի հնարավոր վավերացման դեմ կազմակերպված բողոքի ցույցի ժամանակ լրագրողների հետ զրույցում ասաց «Ժառանգություն» կուսակցության եւ Երեւանի ավագանու «Բարեւ Երեւան» դաշինքի անդամ Դավիթ Սանասարյանը:
«ՀՕՊ համաձայնագիրը գործելու է Հայաստանի տարածքում, իսկ Արցախում` ոչ: Հայաստանի ՀՕՊ-ը կարող է որոշում կայացնել եւ պաշտպանություն իրականացնել, եթե ՌԴ-ի տարածաշրջանային հրամանատարը թույլատրի: Վստահ եմ, որ այդպես չի լինի, չեն թույլատրի, որ ՀՀ-ն պահի Արցախի օդային տարածքը: Այս համաձայնագիրն իշխանությունների հերթական վաճառքի առարկան է, որը դրեցին սեղանին: Պատկերացրեք մի իրավիճակ, երբ Ռուսաստանը եւ Վրաստանը հակամարտություն են ունենում, եւ ՀՀ-ի օդուժն օգտագործվում է Վրաստանի դեմ…»,-նշեց նա:
Այլ մանրամասները` տեսանյութում:
Կարդացեք նաև
Լուիզա ՍՈՒՔԻԱՍՅԱՆ
