Դեմքի պեպենների գույնը թուլացնելու եւ որոշ դեպքերում էլ վերացնելու համար ժողովրդական բժշկությունը մի շարք տարբերակներ է առաջարկում, որոնցից մի քանիսին անդրադարձել ենք: Այսօր առաջարկվում է 30 հատ նուշ գցել 2 բաժակ եռացող ջրի մեջ եւ 10 րոպե եռալուց հետո հանել, կաթիլ-կաթիլ ավելացնել 1 թեյի գդալ եռացրած եւ սառեցրած ջուր եւ 15 գրամ մեղր։ Հեղուկն ամենաքիչը օրական մեկ անգամ քսել դեմքին, թողնել 15 րոպե, հետո լվացվել գոլ ջրով։
Պեպենների դեմ հայտնի բաղադրատոմսերից է մաղադանոսի հյութը, այն առավել օգտակար է, երբ այդ հյութին խառնեք հում կաթ. 1 կապ մաղադանոսը մանր կտրատել, հյութը քամել ու ավելացնել հում կաթ՝ 1:1 հարաբերությամբ։ Խառնուրդը քսել դեմքին, թողնել 15 րոպե եւ լվանալ գոլից մի փոքր տաք ջրով:
Կարելի է փորձել նաեւ հետեւյալ բաղադրատոմսը. 1 հարած ձվի սպիտակուցը, 1 կիտրոնի հյութը, 1 ճաշի գդալ գլիցերինը եւ կես բաժակ որեւէ օդեկոլոն խառնել, ստացված թուրմով մաքրել դեմքը եւ թողնել մեկ ամբողջ գիշեր։
Պատրաստեց
ԱՆՈՒՇ ՄԱԹԵՎՈՍՅԱՆԸ
«Առավոտ»
Կարդացեք նաև
25.06.2016
