Հունիսի 24-ին Հայկական բարեգործական ընդհանուր միության (ՀԲԸՄ) դահլիճում կայացավ տաղանդավոր ջազային երաժիշտ, դաշնակահար, ՀՀ արվեստի վաստակավոր գործիչ Վահագն Հայրապետյանի եւ ԱՄՆ-ից ժամանած երիտասարդ կիթառահար Ալեքս Բաբոյանի համերգը: Վահագն Հայրապետյանը կատակեց. «Ալեքսի հետ խոսում էինք` մեր համերգին եկողների թիվը մեծ կլինի՞, թե՞ Պապին տեսնողների: Ուրախ եմ, որ եկել եք: Պիտի խնդրեմ, որ կոնսերվատորիայում քննություն հանձնողի դերում չլինեք, կարծիքներ հայտնեք, եթե ասելու բան ունենաք, անպայման ասեք…»: Ապա սկսվեց հրաշալի ջազային երեկոն: Ամեն կատարումից հետո հնչում էին բրավոներ:
Վահագն Հայրապետյանը ներկայացնելով Բոստոնից ժամանած Ալեքս Բաբոյանին` կրկին կատակեց, թե ամեն ինչ նոր-նոր է սկսվում, քանի որ երիտասարդը եկել է հայրենիք, այստեղ նրան ամուսնացնելու են եւ ամենաքիչը մի երեք երեխա է ունենալու:
Համերգի ավարտին հանդիսատեսը բուռն ծափահարում էր: Ջազմենը տեղեկացրեց, որ հուլիսի 14-ին եւս մեկ համերգ կունենան ՀԲԸՄ հյուրընկալ հարկի ներքո, որի ռոյալը ինքը շատ էր հավանել:
Կարդացեք նաև
Գոհար ՀԱԿՈԲՅԱՆ
