«Մեծ Եղեռն բառը դասական բառ է հայ ժողովրդի համար»,- հունիսի 24-ին լրագրողների հետ հանդիպման ընթացքում անդրադառնալով Հռոմի պապ Ֆրանցիսկոսի ելույթին` ասաց Հռոմի Պապի խոսնակ մոնսինյոր Ֆեդերիկո Լոմբարդին:
Նա նշեց, որ Հռոմի պապը «ցեղասպանություն» բառը չօգտագործելու պատճառ չուներ. «Դա իրականության մաս է, որն արդեն պարզ է, եւ նույն շրջանակում, ինչ Հռոմի պապն ասել է: Մեզնից յուրաքանչյուրը գիտի, թե ինչ է այդ ողբերգությունը: Հռոմի պապը այդ մասին ասել է նախկինում շատ անգամներ: Իրականությունը հստակ է, եւ մենք երբեք չենք ժխտել իրականությունը»:
Լրագրողները նկատեցին, որ Հռոմի պապի` նախապես նախապատրաստված տեքստի ընթացքում Հայոց ցեղասպանության մասին հայտարարությունը չկար: Ֆեդերիկո Լոմբարդին պատասխանեց, որ Հռոմի պապը որոշել է ավելացնել այդ հատվածը. «Պապը ազատ է փոխել, մինչեւ վերջին պահը մենք նրան տեքստ ենք տալիս, որպեսզի ստուգի: Պարզ է, որ Պապը որոշել է ավելացնել այդ բառը, նա նաեւ ավելացրել է այլ բառերը: Եթե ես Պապի ծառան եմ, ես պետք է թողնեմ, որ Պապը ընտրի, ոչ թե ստիպեմ նրան»:
Ամի ՉԻՉԱԿՅԱՆ
Կարդացեք նաև
