Քիչ առաջ Հռոմի պապ Ֆրանցիսկոսն այցելեց նախագահական նստավայր, որտեղ հանդիպում ունեցավ նախագահ Սերժ Սարգսյանի հետ:
Հիշեցնենք, որ Հռոմի պապը Հայաստան էր այցելել ժամեր առաջ, ինչից հետո ուղեւորվել էր Էջմիածնի Մայր տաճար: Հռոմի Սրբազան Քահանայապետը՝ «Այցելություն առաջին քրիստոնյա երկիր» խորագրով Հայաստան եռօրյա այցելության ընթացքում այցելելու է նաեւ Գյումրի: Իր այցելության օրերին Հռոմի պապ Ֆրանցիսկոսը բնակվելու է Մայր Աթոռ Սուրբ Էջմիածին:
Նախագահական նստավայր այցելության ընթացքում տեղի ունեցավ Հռոմի պապ Ֆրանցիսկոսի այցին նվիրված նամականիշների մարման արարողությունը: Այն իրականացրեցին նախագահի աշխատակազմի ղեկավար Վիգեն Սարգսյանը եւ Վատիկանի ներկայացուցիչը:
Կարդացեք նաև
Նախագահական նստավայրում տեղի ունեցավ նաեւ նվերների հանձնման արարողությունը: Սերժ Սարգսյանը Հռոմի պապին հանձնեց կենտրոնական բանկի կողմից թողարկած հուշամեդալը:
Ամի ՉԻՉԱԿՅԱՆ
