Հունիսի 23-ին միջազգային հանրության (Մեծ Բրիտանիայի և ԱՄՆ-ի դեսպանատները, ԵԱՀԿ Երևանյան գրասենյակը, Հայաստանում Եվրոպական միության պատվիրակությունը, ՄԱԿ-ի Հայաստանի գրասենյակը, Եվրոպայի խորհուրդը) կողմից «Քաղաքացի դիտորդը» ստացել է «Ազատության պաշտպան» մրցանակը:
Մրցանակը «Քաղաքացի դիտորդ» նախաձեռնության դիտորդներին է հանձնել Միացյալ Թագավորության դեսպան Ջուդիթ Ֆարնուորթը: Դեսպանը նշել է, որ տեղական դիտորդները ուղղակի ներդրում ունեն մարդու իրավունքների առաջխաղացման և պաշտպանության համար: Նա նաև ավելացրել է, որ դիտորդական առաքելությունը կարող է բարելավել ընտրական մշակույթը և ապահովել ընտրությունների թափանցիկությունը:
«Քաղաքացի դիտորդ» նախաձեռնությունը հասարակական կազմակերպությունների կոալիցիա է, որը ստեղծվել է 2013 թվականի մայիսին: Նախաձեռնության կազմի մեջ են մտնում Թրանսփարենսի Ինթերնեշնլ հակակոռուպցիոն կենտրոն, Իրավունքի Եվրոպա միավորում, Ժուռնալիստների «Ասպարեզ» ակումբ և Հելսինկյան քաղաքացիական ասամբլեայի Վանաձորի գրասենյակ հասարակական կազմակերպությունները:
Մրցանակաբաշխության նկարները կարող եք տեսնել այստեղ`
Կարդացեք նաև
Թրանսփարենսի Ինթերնեշնլ հակակոռուպցիոն կենտրոն
