«Ղարաբաղ» կոմիտեի անդամ Աշոտ Մանուչարյանը բավական հատկանշական է համարում այն, որ Հռոմի պապը խնդրել է, որպեսզի Հայաստանում իրեն դիմավորողների մեջ բիզնեսմեններ չլինեն:
Այսօր Մտավորականների ֆորումի ավագանու հավաքի ժամանակ, խոսելով Հռոմի պապի Հայաստան այցի, դրա նշանակության եւ նպատակների մասին, Աշոտ Մանուչարյանն ասաց, որ մարդկության գոյության մարտ է ընթանում, այսօրվա մարտի սպայակազմն էլ մտավորականությունն է, իսկ մարտի խորհուրդն այսպիսին`մարդկությունը կամ հաղթելու է կամ պարտվելու: «Այսօր Սարդարապատի զանգերի ժամանակն է, այդ զանգերը մտավորականությունը պիտի հնչեցնի: Բայց հայոց եկեղեցու զանգերը հնչեցնելու պարտավորություն ունեցող մտավարականը դա դեռ չի հասկացել»:
Մանրամասները`տեսանյութում:
Կարդացեք նաև
«Ինչո՞ւ է եկել այդ մարդը, ի՞նչն է իրեն պակաս, ամբողջ կաթոլիկ աշխարհն իրենն է, թելադրում է, նրանք էլ կրկնում են»,- իր ամփոփիչ խոսքում հարցադրումներ արեց Մտավորականների ֆորումի ավագանու անդամ, հայտնի մտավորական Երվանդ Մանարյանը, եւ ինքն էլ այսպես պատասխանեց դրանց. «Եկել է, որովհետեւ մարդկային խիղճը դա է թելադրում: Պետք է չմոռանալ նրանց, ովքեր առաջինն են այդ փշոտ ճանապարհի վրա ոտք դրել: Չափազանց շատ զոհեր տվեցինք այդ ճանապարհին, մի փոքր ժողովրդի համար այդ կորուստը ֆանտաստիկ է, բայց դա է տրվել մեզ»:
Երվանդ Մանարյանի կարծիքով, եթե մենք մի քիչ այլ կերպ մտածեինք, հաստատ շատ շահեկան կլիներ, բայց չենք կարող այլ կերպ մտածել. «Գիշերը, քնի մեջ, անցավորներդ կգան ու կթքեն երեսիդ`իրենց պատգամը չպահելու համար: Սա է, որ մեզ հայ է պահում: Երկրից-երկիր, քաղաքից-քաղաք անընդհատ ի՞նչ ենք փնտրում: Փնտրում ենք, որ գիշերը հանգիստ աչքներս փակենք, եւ ոչ ոք չգա ու չթքի մեր երեսին»:
Նելլի ԳՐԻԳՈՐՅԱՆ
