Անքնությունը, երկարատեւ համակարգչով կամ ընթերցանությամբ զբաղվելը, ինչպես նաեւ ուժեղ արեւը կամ փոշոտ քամին վնասում եւ չափազանց հոգնեցնում են մեր աչքերը:
Թրջոցների կամ մերսումների միջոցով կարելի է հանգստացնել հոգնած աչքերը:
Հոգնած, կարմրած, ուռած եւ ասեղի պես ծակծկող աչքերի լավագույն բուժումը ծաղիկների կոկոններից կամ խոտաբույսերից պատրաստված (ջրի մեջ եռացված) հեղուկներով թրջոցներն են:
Եթե օրվա ընթացքում կամ երեկոյան որեւէ խոտաբույսից պատրաստված թեյ եք խմել, ապա պահել այդ հեղուկից մի քիչ եւ գոլ վիճակում բամբակյա թրջոցներ պատրաստել ու դնել կոպերի վրա, թողնել 10 րոպե, որից հետո ձեր աչքերը կհանգստանան եւ կկարողանաք հանգիստ քնել:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
22.06.2016
