Ռուսաստանը ցանկանում է վերականգնել Թուրքիայի հետ հարաբերությունները` առաջին հերթին «Թուրքական հոսք» գազատարի նախագծի իրագործումը կասկածի տակ չդնելու համար՝ «Առավոտ»-ին տված հարցազրույցում նկատեց թուրքագետ Հայկ Գաբրիելյանը` անդրադառնալով Թուրքիայի կողմից Ռուսաստանի հետ հարաբերությունները կարգավորելու վերաբերյալ ճանապարհային քարտեզի հրապարակմանը, ռուս-թուրքական լարված հարաբերություններին, ՌԴ-ի ներկայացրած պահանջներին:
Թուրքագետ Հայկ Գաբրիելյանը
«Փաստորեն, երկու երկրները ներկայումս խստապես ցանկանում են հարաբերությունների կարգավորում, սակայն, ինչպես հայտնի է, Թուրքիան հարաբերությունների կարգավորման համար պետք է կատարի Ռուսաստանի կողմից միջադեպից հետո ներկայացված երեք նախապայմանները` ներողություն խնդրել, փոխհատուցում վճարել եւ մեղավորներին պատժել, ինչը պատային վիճակ է ստեղծել եւ դեռ երկար կպահպանվի (եթե կողմերը ցուցաբերեն հետեւողականություն եւ հետքայլ չկատարեն): Ներողություն խնդրելու հետ կապված` չեմ կարծում, թե Էրդողանի նման գոռոզ, իրեն սուլթան եւ խալիֆ երեւակայող գործիչը պատրաստ է գնալ այդ քայլին (համենայնդեպս՝ մոտ ժամանակների կտրվածքով): Դա նրա իմիջի հարցն է»,- նշեց Հ. Գաբրիելյանը:
Թեմայի մանրամասները`
«Առավոտ»
21.06.2016
