Ռուսական «Կոմերսանտը» ծավալուն հոդված է հրապարակել, որտեղ անդրադարձել է 2016թ, հունիսի 20-ին Ռուսաստանի Դաշնության հյուսիսային մայրաքաղաք Սանկտ Պետերբուրգում Հայաստանի, Ադրբեջանի և Ռուսաստանի նախագահներ Սերժ Սարգսյանի, Իլհամ Ալիևի և Վլադիմիր Պուտինի միջև կայացած հանդիպմանը։
Հոդվածագրի խոսքերով՝ պետերբուրգյան հանդիպումը լավագույնս ցույց տվեց հակամարտող կողմերի դիրքորոշումների արմատական տարբերությունները. եթե Երևանը ձգտում է վերացնել հակամարտության գոտու լարվածությունը, ապա Ադրբեջանի նպատակը ստատուս-քվոյի փոփոխությունն է։
Կատարված անդրադարձում նշվում է, որ մինչև պետերբուրգյան հանդիպումը Ռուսաստանը մեծ դերակատարություն ունեցավ 2016թ. ապրիլի սկզբին հակամարտության գոտում ռազմական գործողությունների դադարեցման գործում։
Ռուսական պարբերականը հիշեցնում է նաև, որ Սերժ Սարգսյանի, Իլհամ Ալիևի և Վլադիմիր Պուտինի միջև եռակողմ վերջին հանդիպումը տեղի էր ունեցել 2014թ.՝ Սոչիում։
Կարդացեք նաև
«Կոմերսանտն» իր վերլուծականն ավարտում է պնդմամբ, որ բանակցությունների հաջորդ փուլերում պետք է ջանքեր գործադրվեն կողմերի դիրքորոշումները հնարավորինս միմյանց մոտեցնելու համար, իսկ բանակցությունների հետագա վայրի և ժամկետների մասին այդպես էլ հայտնի չդարձավ պետերբուրգյան հանդիպման ընթացքում։
