«Նախ՝ ինձ թույլ եմ տալիս քաղաքական սուբյեկտներին եւ նրանց շահերն սպասարկողներին մի խորհուրդ տալ՝ զգույշ խոսեք Հայաստանում…»,- «Առավոտի» հետ զրույցում ասաց ԼՂՀ ԱԺ նախկին պատգամավոր Վահրամ Աթանեսյանը` անդրադառնալով հունիսի 20-ին Սանկտ Պետերբուրգում կայանալիք Սերժ Սարգսյան-Իլհամ Ալիեւ հանդիպման շուրջ հնչող տարատեսակ մեկնաբանություններին:
«Երկրորդ՝ ես գայթակղված չեմ վերլուծություններով, որոնք պնդում են «հաղթական պատերազմի» տարբերակը: Դրանք առարկայական քննության չեն դիմանում: Այսօր մենք մի խնդիր ունենք՝ կանխել պատերազմը: Կարող ենք ասել, որ մենք խաղաղասեր ենք, բայց դա էլ իր մեկնաբանությունն ունի, որի վրա չեմ ուզում ծանրանալ: Վիեննայից վերադարձին նախագահ Սարգսյանը տվել է սպառիչ պատասխաններ: Ոչ ոք նախագահից ավելի իրազեկ եւ մտահոգված չէ: Վերջապես պետք է հստակ արտահայտվել, որ չկա պատերազմի չվերսկսման երաշխիք առանց «մադրիդյան սկզբունքների» իրացման: Մեր ընտրությունը, ցավոք, դարձյալ պատերազմի եւ խաղաղության միջակայքում է»,- ասաց մեր զրուցակիցը` պատասխանելով հարցին` Վիեննայի հանդիպումից հետո հայտարարվեց, որ հունիսին երկու նախագահների հանդիպում կկայանա, եթե գործողության մեջ դրվեն ձեռք բերված պայմանավորվածությունները: Որեւէ պայմանավորվածություն կատարման մեկնարկում չէ, գնում ենք Սանկտ Պետերբուրգ որ ի՞նչ անենք:
Թեմայի շուրջ կարդացեք
«Առավոտ»
Կարդացեք նաև
16.06.2016
