Մեքսիկական աղցան

Շատ հեշտ, մատչելի եւ յուրատիպ այս աղցանը նրանց համար է, ովքեր հոգնել են պարզապես ամառային աղցանից, սակայն չեն հոգնել լոլիկ-վարունգ համադրությունից:

Անհրաժեշտ մթերքները

Լոլիկ-3-4 հատ, կախված չափից

Վարունգ- 1 հատ

Կարդացեք նաև

Լոլիկը՝ առողջություն պարգևող «ոսկե խնձոր»

• 09:30 02.11.2022

Տապակած ծովակատար՝ բանջարեղենով (տեսանյութ)

• 17:15 17.07.2022

ՍԴ-ի մոտ՝ «շղթայված» Սահմանադրություն, վարունգներ՝ նախագահական նստավայրի եւ ծառի ճյուղեր՝ ԱԺ-ի մոտ. «Դիմադրության» շարժման երթը՝ ի պաշտպանություն ՀՀ Սահմանադրության

• 14:50 05.07.2022

Ավոկադո-1 հատ

Կանաչ պղպեղ- 1 հատ

Կծու չիլի պղպեղ- 1 հատ

Կանաչ սոխ-4-5 ճյուղ (եթե գտնեք վերջին շրջանում դեֆիցիտ դարձած կարմիր գլուխ սոխ, կարող եք կանաչ սոխի ճյուղերի փոխարեն կես հատ կարմիր գլուխ սոխ կտրատել)

Համեմ-10 ճյուղ

Թանձրուկի համար

Թթվասեր- 4 ճաշի գդալ

Ձիթապտղի յուղ-2 ճաշի գդալ

Կիտրոնի հյութ- 0,5 կիտրոնի

Սեւ աղացած պղպեղ-0,5 թեյի գդալ

Աղ- ըստ ճաշակի

Քերած սխտոր- 1-2 պճեղ

Պատրաստման եղանակը

Բանջարեղենն ու կանաչին լվանալ, չորացնել: Լոլիկը, կանաչ պղպեղն ու վարունգը կտրատել խորանարդիկներով: Ավոկադոն՝ նույնպես: Ավոկադոյի վրա անմիջապես ցողել կիտրոնի հյութ, որպեսզի չսեւանա:

Կանաչին եւ սոխը մանր կտրատել: Չիլի պղպեղը մեջից կիսել, սերմերը հեռացնել, որպեսզի շատ կծու չլինի: Կտրատել մնացած բաղադրիչներից շատ ավելի փոքր չափով: Բանջարեղենի տեսականին եւ կանաչին լավ խառնել: Փոքր խորն ամանի մեջ լցնել թթվասերը, վրան՝ կիտրոնի մնացած հյութը, ձիթապտղի յուղը, աղն ու պղպեղը, քերած սխտորը: Լավ խառնել, լցնել բանջարեղենի վրա, լավ խառնել:

Բարի ախորժակ:

Պատրաստեց Մելանյա ԲԱՐՍԵՂՅԱՆԸ

«Առավոտ»

18.06.2016