Ջերմուկում մեկնարկել է գրոսմայստեր Կարեն Ասրյանի 9-րդ միջազգային հուշամրցաշարը, որին մասնակցում են Հայաստանի, Բելառուսի, Ղազախստանի, Ռուսաստանի, Թուրքմենիայի, Ուկրաինայի եւ Ուզբեկստանի 62 շախմատիստներ:
Խաղացվել է երեք տուր: Հարյուր տոկոսանոց արդյունք ցույց է տվել միայն Հայաստանի գործող չեմպիոն, գրոսմայստեր Զավեն Անդրիասյանը: Նրանից կես միավոր պակաս են վաստակել 11 շախմատիստներ: Նրանց մեջ են մեր հանրապետության ներկայացուցիչներ Հովհաննես Գաբուզյանը, Տիգրան Հարությունյանը, Սամվել Տեր-Սահակյանը, Արման Փաշիկյանը, Տիգրան Ս. Պետրոսյանը եւ Վահե Դանիելյանը:
Աշոտ ՀԱԿՈԲՅԱՆ
Լուսանկարը՝ հուշամրցաշարի կայքէջի
