Հունիսի 18-ին, Բաղրամյան 1 հասցեում տեղի ունեցավ սարոյանասերների ակումբի երկրորդ հանդիպումը, որին մասնակցեցին մի շարք սարոյանագետներ և ՀՀ բուհերի ուսանողներ:
Սարոյանասերների ակումբը բացվել է «Ինտելեկտուալ Ռենեսանս» հիմնադրամի կողմից իրականացվող “Saroyan House” նախագծի շրջանակներում և խթան է հանդիսանում ՀՀ-ում սարոյանական միջավայրի ստեղծման համար:
Սարոյանագետների շարքում էին կինոռեժիսոր Ջուլիետա Կաժոյանը, գեղանկարիչ, լուսանկարիչ Վահան Քոչարը, «Հայհեղինակ» հասարակական կազմակերպության նախագահ Սուսաննա Ներսիսյանը, կինոգետ և թարգմանիչ Արծվի Բախչինյանը: Հանդիպման սկզբում ուսանողները ծանոթացան «Ինտելեկտուալ Ռենեսանս» հիմնադրամի գործունեությանը և հնարավորություն ունեցան հարցեր ուղղել սարոյանագետներին:
Հանդիպման ընթացքում նաև տեղի ունեցավ Վիլյամ Սարոյանի «Հայմուկը» պատմվածքի ընթերցումը: Այնուհետև ներկաները ծանոթացան Վիլյամ Սարոյանի տուն-թանգարանի նախագծի հետ, ամփոփվեցին ակումբի առաջին հանդիպումից հետոկատարված աշխատանքները, քննարկվեցին թանգարանին առնչվող հարցեր:
Կարդացեք նաև
Սարոյանասերների ակումբը առաջիկայում ակտիվ գործունեություն է ծավալելու ավագ և կրտսեր սերնդի սարոյանասերներին համախմբելու և գրողի տուն թանգարանի իրականացումը խթանելու համար:
«Ինտելեկտուալ Ռենեսանս» հիմնադրամ
Մինչև այս տարվա վերջը, Միացյալ Նահանգների Ֆրեզնո քաղաքում կբացվի Վիլյամ Սարոյանի անվամբ Տուն-Թանգարանը: «Մշակութային զարթոնք» հիմնադրամը գնել է գրողի տունը, և հիմա վերանորոգման աշխատանքներ են կատարվում: Տուն-Թանգարանը պիտի ծառայի ամեերիկացի հասարակության (և ամերիկահայության) մշակութային կյանքի աշխուժացմանը: Թերևս հնարավոր է, ու լավ է, որ երկու թանգարանները կապի մեջ լինեն իրար հետ՝ համագործակցելու և փորձի փոխանակում անելու: Սա մի առաջարկ է իմ կողմից:
Գրում եմ կապի միջոց՝ Ֆրեզնոյի Սարոյանի անվամբ Տուն-Թանգարանի (ներկա կամ ապագա) պատասխանատուների հետ:
[email protected]
խնդրում եմ փոխանցեք իրենց:
Կարող եք ընդգրկել նաև հետևյալ սարոյանագետներին – Տիգրան Գույումճյան, Էլֆիք Զոհրաբյան, Հարրի Քեյիշյան, Օշին Քեշիշյան: Ֆեյսբուքով կարող եք կապ հաստատել: