Նիկոլ Փաշինյանը պահը բաց չթողեց ու փոխոստիկանապետին կոչ արեց հետեւել Սամվել Ալեքսանյանի՝ իր աշխատակցին «առեւանգման եւ ահաբեկելու» գործին եւ Մալաթիայի ոստիկանության աշխատանքը հատուկ քննության առարկա դարձնել:
ԱԺ-ում Ոստիկանության պետի տեղակալ Վարդան Եղիազարյանը ներկայացրեց ՀՀ քաղաքացու անձնագրի մասին օրենքում փոփոխություն եւ լրացում կատարելու մասին, ինչպես նաեւ «Նույնականացման քարտերի մասին» օրենքում փոփոխություններ եւ լրացումներ կատարելու մասին նախագիծը:
ՀԱԿ խմբակցության պատգամավոր Նիկոլ Փաշինյանը պահը բաց չթողեց ու փոխոստիկանապետին կոչ արեց հետեւել Սամվել Ալեքսանյանի՝ իր աշխատակցին «առեւանգման եւ ահաբեկելու» գործին եւ Մալաթիայի ոստիկանության աշխատանքը հատուկ քննության առարկա դարձնել, որովհետեւ, ըստ նրա, գործ ունենք Սամվել Ալեքսանյանին կից ոստիկանության հետ, ոչ թե ՀՀ ոստիկանության:
Սակայն փոխոստիկանապետի փոխարեն շտապեց պատասխանել ԱԺ նախագահ Գալուստ Սահակյանը՝ ասելով, որ հարցին չի առնչվում, «էդ Քրեական օրենսգիրքը մոտը չի, որ պատասխանի»: Նա հորդորեց Եղիազարյանին նստել իր տեղը;
Կարդացեք նաև
Նիկոլ Փաշինյանին դա դուր չեկավ, նա տեղից սկսեց բղավել, որ «Պարոն Սահակյան, իմ հայտարարությունը ոչ միայն ՀՔԾ-ին ու ոստիկանությանն էր առնչվում, այլ նաեւ հենց ձեր մասին է, որովհետեւ Սամվել Ալեքսանյանը ձեր խմբակցության անդամն է»:
Հռիփսիմե ՋԵԲԵՋՅԱՆ
