Այսօր դիմել եմ կառավարությանը՝ առաջարկելով սեղմ ժամկետներում ստեղծել ավտոմեքենաների մաքսազերծման արժեքների և այդ արժեքի վրա ազդող գործոնների համացանցով հասանելի տվյալների շտեմարան, որի միջոցով քաղաքացիները կկարողանան հստակ որոշել համապատասխան մեքենայի համար վճարման ենթակա մաքսազերծման գինը:
Արդեն տևական ժամանակ է, ինչ ավտոմեքենաների մաքսազերծման գների մասին հրապարակային տեղեկատվության բացակայության ու դրա հետևանքով առաջացած անհստակության պատճառով տեղի են ունենում չարաշահումներ մաքսային մարմինների կողմից. միևնույն տարեթվի, մակնիշի ու սերիայի մեքենաները հաճախ մաքսազերծվում են տարբեր արժեքներով: Հեռախոսով տեղեկատվություն ստանալու բոլոր փորձերն ավարտվում են անհաջողությամբ, քանի որ մաքսային ծառայությունից մշտապես հայտնում են, որ այդ տեղեկությունները տրամադրվում են բացառապես տեղում:
Այսպիսով, ավտոմեքենաների մաքսազերծման արժեքի վերաբերյալ հրապարակային տեղեկատվության բացակայությունը բերել է այդ ոլորտում կոռուպցիոն դրսևորումների ու չարաշահումների արմատացման:
Տվյալների բազայի ստեղծմամբ քաղաքացիների համար նաև կանխատեսելի կդառնա Հայաստանի Հանրապետություն ներմուծվող մեքենաների դիմաց ծախսման ենթակա իրական գումարը:
Մամլո հաղորդագրություն
Եղբայր, Ձեր ուժերը մի ծախսեք ցուցակներ ուզելու վրա: Ես՝ որպես քաղաքացի եւ տնտեսական գործունեություն ՉԻՐԱԿԱՆԱՑՆՈՂ քաղաքացի, ԻՐԱՎՈՒՆՔ ունեմ ունենալու գույք, ապրանք, այդ թվում եւ ԱՎՏՈՄԵՔԵՆԱ, առանց, կներեք, որեւէ մեկի մուննաթին լինելու: Ավտո ունենալուս համար ինչու պիտի որեւէ մեկին փող տամ, պետությունը չէ, ով ուզում է լինի: Թե կարող եք, թե անկեղծ ցանկություն ունեք լավ գործ անելու, ազատեք անհեթեթ մաքսազերծումից քաղաքացիների անձնական գույքը: