Հարկային նոր օրենսգրքով ցանկություն կա դատարկել այս տարածաշրջանը: Այսօր «Անդրադարձ» ակումբում նման կարծիք հայտնեց տնտեսագետ Վարդան Բոստանջյանը:
«Քանի որ համոզված եմ՝ առանց այս օրենսգրքի էլ տնտեսվարողները ազատ մրցակցության բացակայության պայմաններում հակված չեն գործունեություն ծավալել, որպես դրա ապացույց տեսնում ենք՝ ՓՄՁ չկա, կա արտագաղթ, աղքատության բարձր ցուցանիշ եւ այլն: Այս պայմաններում, երբ կտրուկ բարձրանում է, կյանքը պետք է թանկանա, տնտեսվարող սուբյեկտների պարտավորությունները պետք է ուժեղանան, ակնհայտորեն սա ոչ այլ ինչ է քան ճնշում, որի պարագայում ընթանալու են այն գործընթացները ինչը տեսանելի է, տնտեսվարողներ սուբյեկտները կկորցնեն ցանկացած հետաքրքրություն գործունեություն ծավալելու, իսկ քաղաքացիներն էլ իրենց ցածր եկամուտներով հնարավորություն չեն ունենա ձեռք բերել մինչեւ իսկ առաջին անհրաժեշտության ապրանքներ»,-ասաց տնտեսագետը:
Դիտարկմանը՝ ՀՀԿ-ականներն ԱԺ-ում հիացած էին նոր օրենսգրքով, պարոն Բոստանջյանը հակադարձեց. «Ովքե՞ր են հիացմունք արտահայտել: Մեկ կամ երկու հոգի, որոնք, որպես կանոն, մանկուց տառապյալների դաշտում են գտնված եղել ու երազում են տորթին մոտիկ լինել, պարտադրված կարող են արտահայտել մտքեր, որը չի կարող կիսել երկրի տնտեսական բլոկը: Առանձին մարդկանց բարձրաձայնումները մի ասեք հիացում, որովհետեւ նույն ՀՀԿ տարբեր ներկայացուցիչներ, որոնց հետ ունեմ մոտ հարաբերություններ, բացահայտ կամ ոչ բացահայտ ձեւով հայտնում են իրենց բացասական գնահատականը այս նախագծի վերաբերյալ»:
Ըստ նրա, հարկային օրենսդրական նախաձեռնությունն էլ առաջին ընթերցմամբ ԱԺ-ում անցավ, որովհետեւ համապատասխան քաղաքական ուժի ներկայացուցիչները չունեն այլընտրանք, նրանք պարտավոր են վերեւից իջեցված հրահանգը կատարել:
Կարդացեք նաև
Արփինե ՍԻՄՈՆՅԱՆ
