Գալինա Հայրապետովան հեղինակային թերթ է հրատարակում, որը կոչվում է «Վիպ պերսոնա», սկզբում այն տպագիր է եղել, այժմ ֆինանսական պատճառներով միայն էլեկտրոնային տարբերակ ունի: Թերթի կայք կարելի է այցելել www.vippnus.hc.am հասցեով: Տիկին Գալինան «Առավոտին» հայտնեց, որ թերթն աջակցության կարիք ունի՝ ինչպես տեխնիկական սպասարկման, այնպես էլ հեղինակների ու գովազդատուների առումով: Այս պահին ինքը եւ խմբագրում է թերթը, եւ նյութեր գրում մի երիտասարդ լրագրողի հետ: Ասում է, որ «Վիպ պերսոնան» բաց է, եւ ովքեր ցանկանում են, կարող են թղթակցել: Խմբագիրը նշում է, որ թեմաների եւ հերոսների առումով սահմանափակումներ չունեն, սակայն գերադասում են չծեծված թեմաների վերաբերյալ հրապարակումները:
Թերթի վերնագիրն էլ ընտրել են այն ակնկալիքով, որ տարբերվի դաշտում եղածներից: Այժմ տիկին Գալինայի ցանկությունն է, որ գովազդատուները չշրջանցեն «Վիպ պերսոնան», հատկապես, իր համոզմամբ, որ յուրահատուկ լսարան ունեն:
Սեփ. լր.
«Առավոտ»
16.06.2016
