Աշխատանքի եւ սոցիալական հարցերի նախկին նախարար, ԲՀԿ-ից հեռացված Գեւորգ Պետրոսյանի հայցով նախնական դատական նիստն այսօր հետաձգվեց պատասխանող կողմի բացակայության պատճառով:
Հիշեցնենք, որ նախկին նախարարը պահանջում է «Բարգավաճ Հայաստան» կուսակցության Ավանի տարածքային խորհրդի 12.03.2016 թվականի որոշումն անվավեր ճանաչել: Այդ որոշմամբ նա հեռացվել է կուսակցությունից:
Չնայած Պետրոսյանը դատարանում միջնորդեց առանց պատասխանող կողմի էլ շարունակել դատական նիստը, բայց դատարանը որոշեց հետաձգել նիստը, քանի որ պատասխանող կողմը դատարանին չէր ծանուցել նիստի մասին ծանուցումը ստանալու մասին:
«Վստահ եմ, որ ստացել են ծանուցումը, տեղյակ են դատական նիստի մասին, որովհետեւ բազմիցս տարբեր լրատվամիջոցներով հայտարարել եմ, որ դատարանը հայցն ընդունել է վարույթ:
Կարդացեք նաև
Իրենց բացակայությունը, իմ համոզմամբ, պայմանավորված է նրանով, որ պարզապես ասելիք չունեն»,- ասաց Գեւորգ Պետրոսյանը:
Դատարանը հաջորդ նիստի մասին լրացուցիչ կտեղեկացնի:
Արփինե ՍԻՄՈՆՅԱՆ
