Այս տարիների ընթացքում գիտության ֆինանսավորման ավելացումը եղել է սղաճից ու դրամի արժեզրկումից դանդաղ, ինչի արդյունքում գիտնականների կյանքի որակը միմիայն նվազել է։
Տարիներ առաջ Ծաղկաձորում «Պահանջում ենք գիտության ֆինանսավորման ավելացում» խմբի ակտիվիստների սեմինարին այցելած Սերժ Սարգսյանը, բազմաթիվ անընդունելի մտքերի հետ նաեւ ասաց. «Իսկ գիտությանը այսօր տրվող գումարները էֆեկտի՞վ են բաշխվում»։ …
Հարց, որի պատասխանը գիտաշխատողները տալիս են բարձր գլխով, քանի որ ըստ UNESCO-ի՝ գիտության ֆինանսավորման դիմաց ստացված գիտական պրոդուկտով Հայաստանը աշխարհում զբաղեցնում է առաջին տեղը։
Հազիվ թե գտնեք մեր երկրում եւս մի ոլորտ, որի պետական ֆինանսավորման ծավալների դիմաց տրված արդյունքները աշխարհում զբաղեցնեն առաջին հորիզոնականը։ Ոչ հայրենի ոստիկանությունն է աշխարհում ամենաէֆեկտիվը փող ծախսում, ոչ ԱԳՆ-ն, ոչ էլ որեւէ այլ մարմին։ Բայց գիտնականներն անում են դա։ Սակայն իշխանություններն ավելացնում են այլ ոլորտների ֆինանսավորումը, բայց պակասեցնում գիտությանը տրվող գումարները։
Նույնիսկ տպավորություն է ստեղծվում, որ իշխանությունները ուզում են սովամահ անելով հայրենի գիտությունը, մեր ազգին տանել «մատուցող» դառնալու ուղով, հասցնեն նրան, որ բոլոր ինտելեկտուալ մարդիկ լքեն Հայաստանը։
Դանիել ԻՈԱՆՆԻՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
