Ռուսաստանի Դաշնության նախագահի օգնական Ուշակովը երեկ հայտարարել է, որ հունիսի 20-ին ՌԴ նախագահ Պուտինը Սանկտ Պետերբուրգում կհանդիպի Սերժ Սարգսյանի և Իլհամ Ալիևի հետ: Այս հանդիպման հավանականության մասին ավելի վաղ խոսել էր ՌԴ նախագահի մամուլի քարտուղարը, իսկ այժմ ՌԴ նախագահի օգնականը փաստորեն խոսում է այդ մասին առանց թեական շեշտադրումների:
Սանկտ Պետերբուրգում Պուտինի հովանու ներքո այդ հանդիպմանը փաստորեն նախորդում է հայ-ռուսական «արձանային» սկանդալը, որը հրահրել էր ՌԴ ԱԳՆ պաշտոնական ներկայացուցիչ Մարիա Զախարովան: Պաշտոնական Երևանը Գարեգին Նժդեհի արձանի տեղադրման վերաբերյալ Զախարովայի հայտարարություններին ակնհայտորեն փորձեց մեղմ արձագանքել, այսինքն՝ արձագանքել հնարավորինս փափուկ: Պետք է նկատել նաև, որ արձագանքները եղան հնարավորինս ցածր մակարդակով: Երևանն ակնհայտորեն գնաց սուր անկյուններ չառաջացնելու ճանապարհով:
Միևնույն ժամանակ Երևանը սրան զուգահեռ Հայաստանի ԱԺ նիստի օրակարգ չընդգրկեց հայ-ռուսական համատեղ ՀՕՊ-ի վերաբերյալ համաձայնագիրը: Այսպիսով ակնհայտ է, որ Ռուսաստանի նախագահի հովանու ներքո Սարգսյան-Ալիև հանդիպումից առաջ հայ-ռուսական հարաբերությունները աչքի ընկան հերթական բարդ կամ, մեղմ ասած, ոչ հարթ դրվագներով:
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
