ԱԺ տնտեսական հարցերի հանձնաժողովի նախագահ Վարդան Այվազյանը Հարկային օրենսգրքի նախագծի քննարկման ժամանակ ասաց, որ այս Հարկային օրենսգիրքը 7 տարի է՝ քննարկվում է. «Մարդիկ որեւէ քննարկման չեն մասնակցում, բայց որ հանկարծ իմանում են, որ հեռուստացույցով կարող ա երեւան, միանգամից թռնում են ամբիոնի մոտ ու սկսում են սենց թափ տալ:
Ես շատ լավ հասկանում եմ քաղաքական որբությունը: Մարդը, որ քաղաքական որբ է դառնում, ժամանակի ընթացքում քաղաքական բճության է տանում, բիճ է դառնում, ճուտ, այսինքն՝ պապա է ման գալիս: Հատկապես, որ ինքը ջերմոցի վարունգ է լինում ու օլիգոպոլիայի պարարտանյութով շեղված, բնականաբար, ինքը պետք ա ցույց տա, որ ինքը ընդդիմադիր ա մեկումեջ: Մի լավ ընկեր ունեմ, ասում ա՝ էնքան հեշտ ա համարձակությունը, երբ թույլատրված ա: Թույլատրությունը հանում ես՝ տակը բան չի մնում»:
Թե որ պատգամավորին էր ուղղված Վարդան Այվազյանի այս խոսքերը, պատգամավորն ում է համարում «ջերմոցի վարունգ», «քաղաքական բիճ»՝ չմանրամասնեց՝ ասելով. «Հետեւությունները թողնում եմ մարդկանց»:
Ի դեպ, այսօր ԱԺ նիստում Վարդան Այվազյանի հետ էր վիճել ԲՀԿ-ական Վահե Էնֆիաջյանը: Նա իր ելույթում Հարկային օրենսգրքի եւ տնտեսության խնդիրների մասին խոսեց ու ասաց, որ ԲՀԿ-ն մի քանի տասնյակ առաջարկություն է ներկայացրել. «Մեր համար կարեւոր է, որ ԲՀԿ-ի կողմից առաջարկները, որ տեսանելի են, նաեւ ընկալելի եւ ընդունելի լինեն: Մի՞թե ընկալելի եւ հասկանալի չի իմ եւ մեր խմբակցության առաջարկները: Էդքան մեծ քիթ ունեք, քթածակ չունե՞ք, որ հասկանաք ինչ ա մեր ասածը»:
Կարդացեք նաև
Երբ հաջորդը ամբիոնին մոտեցավ Նաիրա Զոհրաբյանը, նիստերի դահլիճում Էնֆիաջյանն ու Այվազյանը վիճեցին, աղմուկ բարձրացրին, Վահե Էնֆիաջյանին զսպեց նաեւ Նաիրա Զոհրաբյանը:
Հռիփսիմե ՋԵԲԵՋՅԱՆ
Լուսանկարը՝ Գագիկ ՇԱՄՇՅԱՆԻ/Shamshyan.com
Լինում է նաև քաղաքական խուլիգան՝ առաջին դեմքով: Մարդ ապշում է սրանց մակարդակից: Տեսնես Վարդան Այվազյանին ընտրողները չեն ամաչու՞մ:
Իսկ նկարը կարելի է վերնագրել. «Լավ ասեցի չէ՞, քուր ջան, ջոգում ես՞»:
Կարող ա՞ ինքնախոստովանություն ա…