Կենտրոն եւ Նորք Մարաշ վարչական շրջանների ընդհանուր իրավասության դատարանի շենքի դիմաց այս պահին կրկին պառկել է քաղաքացիական ակտիվիստ Վարդգես Գասպարին: Նա այս անգամ պառկել է ի նշան բողոքի՝ իրեն թույլ չեն տալիս մասնակցել քաղաքացիական ակտիվիստ Գեւորգ Սաֆարյանի գործով դատական նիստին:
«Ասում են՝ իրավունք չունես… այս երկրում ցանկացած չինովնիկի քմահաճույքը օրենք է, այս կարգադրիչին ասել են՝ թույլ չտաս եւ դա իր համար օրենք է: Ես ընդամենը իմ կարծիքն եմ հայտնել՝ չեմ հարգում ՀՀ դատական համակարգը»,- դժգոհեց Վարդգես Գասպարին:
Հիշեցնենք, որ Գեւորգ Սաֆարյանին մեղադրանք է առաջադրվել Ոստիկանության 4-րդ հատուկ գումարտակի հրամանատար, ոստիկանության կապիտան Գեղամ Խաչատրյանի նկատմամբ բռնություն կատարելու համար:
Արփինե ՍԻՄՈՆՅԱՆ
