Երեւանի ավագանու «Բարեւ Երեւան» խմբակցության անդամ Անահիտ Բախշյանը իր մտահոգությունն էր հայտնել այն հանգամանքի շուրջ, որ Հայաստանի Հանրապետության պաշտպանության նախարարությունը թեժ գիծ չունի:
Aravot.am-ը ՊՆ մամուլի խոսնակ Արծրուն Հովհաննիսյանից հետաքրքրվեց, թե ինչու պաշտպանության նախարարությունը՝ ի տարբերություն մի շարք նախարարությունների, թեժ գիծ չունի:
«Պաշտպանության նախարարությունը արտակարգ իրավիճակների նախարարություն չէ եւ ոչ էլ ոստիկանություն, եւ հետեւաբար, պաշտպանության նախարարությունում այդպիսի թեժ գծերի մասին, ինչի մասին ինքը խոսում է, անհրաժեշտությունը չկա: Պաշտպանության նախարարությունն ունի իր ինֆորմացիա տալու եւ ահազանգեր ստանալու բավականին լայն հնարավորությունների մեխանիզմ եւ առօրյայում իր խնդիրները այնպիսին չեն, ինչպիսին ասածս նախարարություններում: Հետեւաբար, դրա անհրաժեշտությունը մենք չենք տեսնում: Այն օրերին, երբ որ կար՝ ինքը գործում էր, գիտեք, որովհետեւ կար առօրյա լարվածություն: Իսկ սովորական օրերին դրա անհրաժեշտությունը չկա»,- պատասխանեց Արծրուն Հովհաննիսյանը:
Ամի ՉԻՉԱԿՅԱՆ
