«Արդեն երկու օր է՝ ես խիստ պարտաճանաչ եւ խիստ հետեւողականորեն պատասխանում եմ այդ հարցին. պարոն Ծառուկյանի ապագա ծրագրերի հետ կապված շատ սպառիչ պատասխանում է պարոն Ծառուկյանի մամուլի խոսնակ Իվետա Տոնոյանը»,- Aravot.am-ի հետ զրույցում ասաց ԲՀԿ նախագահ Նաիրա Զոհրաբյանը`պատասխանելով հարցին`արդեն մի քանի օր է մամուլում տեղեկություններ են շրջանառվում, որ ԲՀԿ նախկին նախագահ Գագիկ Ծառուկյանն առաջիկա խորհրդարանական ընտրություններում մասնակցելու է: Ավելին, կրկին գլխավորելու է «Բարգավաճ Հայաստան» կուսակցությունը:
Ինչ մնում է իր եւ ԲՀԿ-ի դիրքորոշմանը, նա ասաց. «Նման հնարավոր զարգացման դեպքում, թե ես, թե ԲՀԿ-ն միանշանակ ուրախ կլինենք»:
Նելլի ԳՐԻԳՈՐՅԱՆ
