«Ես խորհուրդ եմ տալիս ձեզ՝ վարչապետի խոսքը շատ ուշադիր եւս մեկ անգամ ընթերցել, եթե ընկալելի չի լինի ձեր համար, նոր տվեք ձեր հարցերը»,- խորհրդարանում լրագրողներից մեկի հարցին այսպես արձագանքեց Կառավարության աշխատակազմի ղեկավար-նախարար Դավիթ Հարությունյանը: Լրագրողի հարց-դիտարկումը վերաբերում էր նրան, որ վարչապետ Հովիկ Աբրահամյանը եւս մեկ ամսով հետաձգել է մենաշնորհների դեմ պայքարը:
Լրագրողները Դավիթ Հարությունյանից նաեւ հետաքրքրվեցին`իր կարծիքով՝ ի՞նչ է նշանակում օպտիմալացում, քանի որ գյուղատնտեսության նախարարությունը կրճատել է իր բալանսում գտնվող կատաֆալկաներ, արդարադատության նախարարությունը՝ 1977 թվականի մեքենաներ: «Ես կարծում եմ, դարձյալ դա ձեր անուշադրությունից է գալիս: Եթե դուք ուշադիր հետեւեք այն աղյուսակը, որ կառավարությունը հաստատեց, թե քանի՞ մեքենա էր ֆինանսավորվում 2016 թվականի բյուջեով եւ քանի՞ մեքենա է ֆինանսավորվելու 2017 թվականի բյուջեով, ձեզ համար տարբերությունն ակնհայտ կլինի»,- պատասխանեց Դավիթ Հարությունյանը:
Նա անպատասխան թողեց հարցը, թե ինչո՞ւ չշահագործվող եւ անպիտան մեքենաներն ավելի վաղ չէին կրճատվում:
Մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
