Էրեբունի եւ Նուբարաշեն վարչական շրջանների ընդհանուր իրավասության առաջին ատյանի դատարանում հունիսի 9-ին դատավոր Վլադիմիր Գրիգորյանի նախագահությամբ շարունակվում էր «Օֆշորի գործի» քննությունը:
Դատական նիստին չէր ներկայացել Փայլակ Հայրապետյանի ներկայացուցիչներից Ինգա Ավագյանը: Փայլակ Հայրապետյանը հայտարարեց, որ ինքն է Ինգա Ավագյանին հորդորել, որպեսզի չներկայանա դատարան: Դատավոր Վլադիմիր Գրիգորյանը հետաքրքրվեց, թե որո՞նք են պատճառները, Փայլակ Հայրապետյանը պատասխանեց, որ Ինգա Ավագյանը Լեռնային Ղարաբաղի Հանրապետությունից է, չի հասցնում գործով զբաղվել, այդ պատճառով էլ հորդորել է չգալ:
Դատարանը լսելով կողմերին որոշում կայացրեց վարույթից հեռացնել Փայլակ Հայրապետյանի ներկայացուցիչ Ինգա Ավագյանին:
Նշենք, որ Փայլակ Հայրապետյանի շահերը պաշտպանում է Շալիկո Փիրուզյանը:
Կարդացեք նաև
Ամի ՉԻՉԱԿՅԱՆ
