Կառավարության այսօրվա նիստում վարչապետ Հովիկ Աբրահամյանը ներկայացրեց այն ավտոմեքենաների ցանկը, որոնք պետք է կրճատվեն, նախարարներին ու գերատեսչությունների ղեկավարներին հանձնարարելով 10 օրվա ընթացքում ավարտին հասցնել ծառայողական ավտոմեքենաների կրճատման գործընթացը:
Կառավարությունը որոշեց պետական գույքի կառավարման վարչության աշխատակազմին ամրացնել կառավարության աշխատակազմին պատկանող 15 միավոր տրանսպորտային միջոցներն ու 3 միավոր սարքերը՝ հետագայում դրանք օտարելու նպատակով:
Նույն նպատակով որոշվեց նաեւ առողջապահության նախարարության աշխատակազմին ամրացված 6 միավոր տրանսպորտային միջոցը հետ վերցնել, ամրացնելով Կառավարությանն առընթեր պետական գույքի կառավարման վարչության աշխատակազմին:
Նելլի ԲԱԲԱՅԱՆ
