Երէկ յետմիջօրէի ժամը 4:30-ին զինեալ ահաբեկչական խմբաւորումներ հրթիռակոծեցին Հալէպի Սիւլէյմանիէ շրջանը։
Հալէպի «Գանձասար» շաբաթաթերթին փոխանցած տեղեկութիւններով՝ հրթիռ մը ինկաւ Ազգային Կիւլպէնկեան վարժարանին դիմացը գտնուող շէնքի մը երդիքին վրայ։
Ճեմարանի 9-րդ կարգի աշակերտները հանդէսի նախապատրաստական փորձերուն համար ժամանած էին վարժարան։
Թեթեւակիօրէն վիրաւորուեցաւ 9-րդ կարգի աշակերտ Առաքել Թերզեանը, որ անմիջապէս հիւանդանոց փոխադրուեցաւ։ Առաքելին առողջական վիճակը կայուն է։
