«Բռնությունը դատապարտելի է: Չգիտեմ` ում կողմից է արվել, բայց գիտենք, որ տեղի է ունեցել նախապես մտածված բռնություն»,-ԼՂՀ ԱԺ պատգամավոր Հայկ Խանումյանին ծեծի ենթարկելու դեպքն այսպես է մեկնաբանում ՀՀ առաջին օմբուդսմեն, «Ընդդեմ իրավական կամայականության» հ/կ գործադիր տնօրեն Լարիսա Ալավերդյանը:
«Գրեթե բացառում եմ, որ դա իշխանական կամ պետական մակարդակով է կազմակերպված եղել: Պետականության նշան չկա: Ով ունի պետական մտածելակերպ, այդպես չպետք է գործեր»,-հունիսի 8-ին «Տեսակետ» մամուլի ակումբում ասաց Լարիսա Ալավերդյանը:
Անդրադառնալով Սամվել Բաբայանի` Արցախ կատարած այցին, նա նկատեց, որ Բաբայանը եղել եւ մնում է որպես հերոս, սակայն հենց հերոսներն են հայտնվում տարբեր իրավիճակներում` հանդես են գալիս քաղաքական հայտարարություններով, բանտարկվում կամ դատապարտվում: «Կամ էլ հերոսի անունը հնչեցվում է նման իրավիճակներում»,-նկատի ունենալով Խանումյանի դեմքը` ասաց Լարիսա Ալավերդյանը:
Ինչ վերաբերում է արցախցիների` Սամվել Բաբայանին պաշտպանության նախարար նշանակելու պահանջին, Լարիսա Ալավերդյանի խոսքով. «Սամվել Բաբայանն ասաց, որ ժողովուրդը պետք է որոշի, ինքը պաշտոնի չի ձգտում եւ դեմ է ստորագրահավաքին»:
Կարդացեք նաև
Լուիզա ՍՈՒՔԻԱՍՅԱՆ
