Եվրամիությունը լիահույս է, որ Հայաստանի և Ադրբեջանի նախագահների հաջորդ հանդիպումը կոնկրետ քայլ կլինի, որը կնպաստի Արցախի հակամարտության կարգավորմանը։ Այս մասին հայտնում է ադրբեջանական Trend լրատվական գործակալությունը։
Լրատվական գործակալության փոխանցմամբ՝ այս թեմայի վերաբերյալ Եվրամիության դիրքորոշումն արտահայտել է Ադրբեջանում Եվրամիության պատվիրակության ղեկավար Մալենա Մարդը։
Մարդը դրական է գնահատել ԵԱՀԿ Մինսկի խմբի միջնորդական ջանքերով 2016թ. մայիսի 16-ին Վիեննայում տեղի ունեցած Հայաստանի և Ադրբեջանի նախագահների հանդիպումն ու ավելացրել. «Ինչպես դուք գիտեք՝ ԵԱՀԿ Մինսկի խմբի համանախագահներն աշխատում են հակամարտության կարգավորման ուղղությամբ։ Իհարկե, մենք աջակցում ենք այդ գործընթացին և հույս ունենք, որ հաջորդ հանդիպումը, եթե այն տեղի ունենա հունիսին, կարող է կոնկրետ քայլ դառնալ, որն ուղղված կլինի հակամարտության կարգավորմանը»։
Մարդի խոսքերով՝ Լեռնային Ղարաբաղի համարտության հիմնախնդիրը չափազանց կարևոր է Եվրամիության համար և եվրոպական այդ միության օրակարգային հարցերից մեկն է։
Կարդացեք նաև
