Հայատյաց դիրքորոշմամբ քաջածանոթ Թուրքիայի մայրաքաղաք Անկարայի քաղաքապետ Մելիհ Գյոքչեքը անդրադարձել է 2016թ. հունիսի 2-ին Գերմանիայի խորհրդարանում ընդունված Հայոց ցեղասպանության ճանաչման մասին օրինագծին և հանդես եկել մի առաջարկությամբ։ Այս մասին տեղեկացնում է Yeni akit պարբերականը։
Իր առաջարկությունը Գյոքչեքը կատարել է «Թվիթեր» սոցիալական կայքի միջոցով. «Առաջարկում եմ՝ Թուրքիայում հայերի միակողմանի կոտորած լինելու մասին պնդումները մեղք համարել՝ մարդկանց ատելության և թշնամանքի դրդելու համար»։
Տեղեկացնենք նաև, որ քրդական «Ժողովուրդների դեմոկրատական» կուսակցության երկու համանախագահները՝ Սելահեթին Դեմիրթաշն ու Ֆիգեն Յուքսեքդաղը, նույնպես մեկնաբանել են Գերմանիայի Բունդեսթագի կայացրած որոշումը։ Դեմիրթաշի կարծիքով՝ օրինագիծը վաղուց պետք է ընդունվեր, իսկ Յուքսեքդաղն ասել է. «Ինչո՞ւ չառերեսվենք կոտորածների հետ»։
Ուշագրավ է, որ Գյոքչեքի առաջարկի ընդունվելու դեպքում, Դեմիրթաշն ու Յուքսեքդաղը պետք է քրեական պատասխանատվության ենթարկվեն։
Կարդացեք նաև
