Գերմանիայի Բունդեսթագի կողմից Օսմանյան կայսրությունում իրականացված հայերի ցեղասպանությունը ճանաչող բանաձեւի ընդունումը չի խափանի Թուրքիայի եւ Գերմանիայի հարաբերությունները: Այս մասին, BBC-ի ռուսական ծառայության t հաղորդմամբ, հայտարարել է Թուրքիայի նորանշանակ վարչապետ Բինալի Յըլդըրըմը:
«Թուրքիան եւ Գերմանիան ռազմավարական դաշնակիցներ են: Ոչ ոք չպետք է ակնկալի, որ մեր հարաբերությունները շատ կփչանան Բունդեսթագի այդ որոշման պատճառով»,-նշել է Յըլդըրըմը:
Միաժամանակ, նա ընդգծել է, որ Թուրքիան անպայման կարձագանքի այդ բանաձեւի ընդունմանը: Հիշեցնենք, որ հայամետ փաստաթղթի ընդունումից հետո Թուրքիան հետ էր կանչել Գերմանիայում իր դեսպանին:
Իր հերթին Գերմանիայի կանցլեր Անգելա Մերկելը հայտարարել էր, որ Գերմանիային եւ Թուրքիային միավորում են ռազմավարական գործակցությունը եւ բարեկամությունը:
Կարդացեք նաև
Լուիզա ՍՈՒՔԻԱՍՅԱՆ
