Հայաստանի պարագայում իշխանությունները մասնավոր զրույցներում, իսկ ընդդիմության ներկայացուցիչներն ու փորձագետները բաց տեքստով հայտարարում էին, որ Երեւանի՝ Եվրասիական պրոյեկտին միանալու մոտիվը քաղաքական է։ Սակայն ԼՂ հակամարտության գոտում վերջին սրացումը ցույց տվեց, որ անվտանգության հետ էլ, մեղմ ասած, ամեն ինչ այդքան հարթ չէ։ ԵԱՏՄ պետություններից երկուսը, կարելի է ասել, վիժեցրեցին ապրիլի սկզբին Երեւանում կայանալիք վարչապետների գագաթնաժողովը՝ փաստացի համերաշխություն հայտնելով Ադրբեջանին։ Ու պատահական չէ, որ հենց անվտանգության հանգամանքի վրա շեշտադրում կատարեց իր ելույթում Սերժ Սարգսյանը։
Այնուամենայնիվ Երեւանում կարծում են, որ ԵվրԱզԷս-ի երկրների ղեկավարների գագաթնաժողովին, թեկուզ այդ երկրները հանդիսանում են ՀԱՊԿ անդամ, խոսել անվտանգության խնդիրների մասին, անիմաստ է։ «ԵԱՏՄ- ն ստեղծվել է որպես տնտեսական միություն, թեպետ ՈԴ-ն ցանկանում է դրան տալ քաղաքական կամ աշխարհաքաղաքական երանգ, սակայն խիստ դեմ են Բելառուսը եւ Ղազախստանը։ Ուստի այնտեղ խոսել անվտանգության խնդիրների մասին՝ անիմաստ է։ Կարծում են նախագահի խորհրդատուները կամ նրա ելույթը պատրաստողներն իրավիճակին չեն տիրապետում։
Այլ հարց է, որ գագաթնաժողովը եւս մեկ անգամ փաստեց, որ տնտեսական կոչվող միությունը չի աշխատում մի շարք պատճառներով՝ սկզբունքորեն տարբեր են տնտեսությունները, իսկ միության լիդեր ՈԴ-ն, որը պետք է տնտեսական զարգացման ավանգարդում լինի, լուրջ տնտեսական խնդիրներ ունի»,- մեզ հետ զրույցում ասաց քաղաքագետ Ստեփան Գրիգորյանը։
Արշալույս ՄՂԴԵՍՅԱՆ
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
