«Ցավոք, Գերմանիայում հետեւում են քաղաքական նոր ձեւաչափի, եւ Բունդեսթագը ընդունեց, այսպես կոչված, «Հայոց Ցեղասպանությունը» ճանաչելու օրինագիծ»:
Սա ասել է Ադրբեջանի միլլի մեջլիսի փոխխոսնակ Բահար Մուրադովան, որի խոսքերը մեջբերում է Day.az-ը՝ վկայակոչելով Trend-ը:
Փոխխոսնակն ասել է, թե ինքը միանշանակ բացասական է վերաբերվում տեղի ունեցածին եւ ափսոսում է այդպիսի որոշման համար:
«Կարելի էր ենթադրել, որ գերմանական կողմը այդ օրինագիծը ուսումնասիրելու համար կհանձներ պատմաբաններին: Գերմանիայի եւ մյուս երկրների քաղաքական գործիչների գործն այսօր աշխարհին անհանգստացնող հարցերով զբաղվելն է, քանի որ Գերմանիան մեկն է այն երկրներից, որը կարող է ազդել աշխարհում ընթացող գործընթացների վրա: Երբ տեղեկություն հայտնվեց, թե Գերմանիայում քննարկման է դրվում այդ օրինագիծը, ես շատ էի ցանկանում հավատալ, որ այնտեղ կգտնվեն մարդիկ, որոնք, ելնելով այսօրվա ձեւաչափերից, չեն անդրադառնա պատմական իրադարձություններին: Բայց, ինչպես երեւում է, ես սխալվել էի իմ ենթադրություններում»,- ասել է Մուրադովան:
