Բրիտանական հանրահայտ Express պարբերականը վերլուծական է հրապարակել, որտեղ անդրադարձել է 2016թ. հունիսի 2-ին Գերմանիայի խորհրդարանում քվեարկության դրված Հայոց ցեղասպանության ճանաչման մասին օրինագծին։
Բրիտանական հայտնի պարբերականը նշում է, որ այս նախաձեռնությամբ՝ Հայկական հարցի միջոցով, Թուրքիան հայտնվել է գերմանական ճնշման տակ, որի հետևանքով էլ կարող են վտանգվել փախստականների հարցերի վերաբերյալ Թուրքիայի և Եվրամիության միջև ձեռք բերված պայմանավորվածությունները։
Հեղինակավոր պարերականը հիշել է, որ այդ օրինագիծը Գերմանիան նախատեսում էր ընդունել 2015թ.-ին՝ Հայոց ցեղասպանության 100-ամյա տարելիցին, սակայն, վերջին պահին, պաշտոնական Բեռլինն ավելի կարևորեց Անկարայի հետ բարեկամական հարաբերությունները և օրինագիծը խորհրդարանում հայտնվեց միայն այս տարի։
Express-ի հիշատակել է նաև նախագահ Էրդողանի խոսքերը, որը քննադատեց բոլոր նրանց, ովքեր փորձում են ճանաչել Հայոց ցեղասպանությունը՝ այդպիսով «խաբելով» Գերմանիային։
