47-ամյա էստոնացի Կայդո Մոզենը 5 տարի անընդմեջ որպես ստրուկ է պահել 51-ամյա մի կնոջ։ Այս մասին տեղեկացնում է ռուսական Lenta.ru լրատվականը։
Մոզենը 51-ամյա կնոջը սկզբում պահել է նկուղում՝ այնուհետև տեղափոխել է մի սենյակ, որում չի եղել ջեռուցում։ Նա հաճախ նվաստացրել է ստրկության մեջ հայտնված կնոջը, կերակրել մնացորդներով, ծեծի ենթարկել և մշտապես խլել նրանից հաշմանդամության համար տրվող թոշակը։ Այս ամենից բացի, կնոջը ստրկության ենթարկած տղամարդը ստիպել է աշխատել գերության մեջ հայտնված կնոջը, ընդ որում, Մոզենի ընկերներն ու ծանոթները տեղյակ են եղել այդ ամենի մասին։
Գերությունից ազատված կինն ասել է, որ 2010թ., այն բանից հետո, երբ մահացել է իր կողակիցը, կինը տեղափոխվել է Մոզենի մոտ՝ բնակության, դրանից որոշ ժամանակ անց էլ տղամարդը ստրկացրել է այդ կնոջը։
Դեպքը բացահայտվել է այն բանից հետո, երբ Մոզենին մեղադրանքներ են առաջադրվել՝ այլ հանցանքներ կատարելու համար։ Ընթացիկ տարվա մարտին դատարանը մեղավոր է ճանաչել Մոզենին և դատապարտել 4 տարի և 6 ամիս ժամկետով ու գումարային տուգանքներով։
