«Բաբաջանյանի արձանի տեղադրումը պարզապես հերթական առիթն էր` խորհրդային ինքնությունն ու մտածելակերպն ի հայտ բերելու առումով: Սակայն վերջին տարիներին տարածված բազմաթիվ այլ երեւույթներ նույնպես այդ ինքնության արտահայտությունն են կամ դրա ամրապնդման գործիքը: Սկսած կրթական համակարգի վիճակից, վերջացրած քաղցրավենիքի գովազդներով կամ «հայրենական եւ արտասահմանյան ավտոմեքենաներ» արտահայտության օգտագործմամբ` ամենուր այդ ինքնության ու մտածելակերպի հետքերն են:
Կամ, օրինակ, երբ ԽՍՀՄ-ին են վերագրում Հայաստանում էլեկտրաֆիկացման իրականացումը, արդյունաբերական արտադրության հիմնադրումը, մետրոյի, օդանավակայանի կամ այլ ենթակառուցվածքների կառուցումը եւ այլն, կարծես տեղյակ չեն կոմունիստական լծի տակ չապրած երկրներում այդ ամենի առկայության մասին` ավելի բարձր որակով»,- «Առավոտ»-ի հետ զրույցում նման տեսակետ հայտնեց «Ջեյմսթաուն» հիմնադրամի հոդվածագիր Արմեն Գրիգորյանը` անդրադառնալով մարշալ Համազասպ Բաբաջանյանի արձանի տեղադրումից հետո բարձրացած աղմուկին:
Թեմայի մանրամասները
«Առավոտ» օրաթերթ
01.06.2016
