Այսօր ԱԺ նախագահ Գալուստ Սահակյանը Երեխաների պաշտպանության օրվա առթիվ կազմակերպված միջոցառմանը եկել էր իր թոռնիկների հետ:
Aravot.am-ը նրա թոռներից մեկից՝ փոքր Գալուստից հետաքրքրվեց՝ ի՞նչ երազանքներ ունի: Նա պատասխանեց. «Ես ուզում եմ, որ խաղաղություն լինի, ոչ մեկը չկռվի իրար դեմ, ու որ երեխաները խաղաղ քնեն»:
Մենք հարցրեցինք՝ իսկ անձամբ քեզ համար ի՞նչ երազանքներ ունես, երեխան ամաչում էր պատասխանել, պապիկն էլ ոգեւորեց՝ ասա՛, ասա՛: Փոքր Գալուստը պատասխանեց՝ «Համակարգիչ եմ ուզում, ունեմ, բայց ավելի լավն եմ ուզում»:
Մեր հարցին՝ անցյալ տարի ասում էիր, որ «ակուլաներից» ես վախենում, հիմա՞ էլ ես վախենում, թե՞ հաղթահարել ես՝ նա պատասխանեց. «Չէ, էլ չեմ վախենում: Հիմա վախենում եմ անակոնդայից»:
Կարդացեք նաև
Հիշեցնենք, որ անցյալ տարի Հունիսի 1-ին Գալուստ Սահակյանն ասել էր, որ ինքն էլ լրագրողներից է վախենում:
Հռիփսիմե ՋԵԲԵՋՅԱՆ
