ՀՀԿ խմբակցության ղեկավար Վահրամ Բաղդասարյանն այսօր ԱԺ էր եկել իր ամենափոքր երեխայի՝ 10-ամյա Սարգիսի հետ՝ մասնակցելու Երեխաների պաշտպանության օրվան նվիրված միջոցառմանը:
«Ես երազում եմ, որ մեծանամ ու իմ հոր նման մաթեմատիկոս դառնամ»,- Aravot.am-ի հետ զրույցում ասաց երեխան:
Մեր հարցին՝ իսկ պաշտոններից ոչ մի բան չե՞ս երազում՝ նա ասաց. «Հիմա դեռ չեմ որոշել պաշտոններից, ինստիտուտը կավարտեմ՝ նոր»:
Մեր հարցին՝ գո՞հ ես, որ քո հայրիկը քաղաքական գործիչ է, դու չե՞ս տուժում դրանից՝ նա պատասխանեց. «Քաղաքական գործիչ լինելուց ես զրկվում եմ, շատ չեմ տեսնում իրեն տանը, զբաղված է»:
Կարդացեք նաև
Հարցին՝ ի՞նչ երազանքներ ունես՝ նա պատասխանեց. «Ես փոքր ժամանակ երազում էի ունենալ հեռախոս, եւ հիմա իմ երազանքը իմ հայրիկը կատարել է, գնել է iPhone»:
Մենք հետաքրքրվեցինք՝ հիմա երազանքներ չունե՞ս՝ նա պատասխանեց. «Չէ, որովհետեւ իմ բոլոր երազանքները ծնողներս կատարում են»:
Սարգիսն ասաց, որ դպրոցում լավ է սովորում, ստանում է 9, 8. «Ամենալավ սովորողը չեմ դասարանում, ամենալավ սովորողների շարքում եմ»:
Հռիփսիմե ՋԵԲԵՋՅԱՆ
