Քանի մեծանում ենք՝ մանկությունը շատ վառ ենք հիշում: Ըստ էության, մանկությունն ունենում է եւ իր տխուր կողմերը, եւ ուրախ կողմերը»,- այսօր Երեխաների պաշտպանության օրվա առթիվ Ազգային ժողովի այգում մանուկների համար կազմակերպված միջոցառման ժամանակ լրագրողների հետ զրույցում ասաց ԱԺ նախագահ Գալուստ Սահակյանը:
Հարցին՝ ԱԺ նախագահ երազո՞ւմ էիք դառնալ մանուկ ժամանակ՝ նա պատասխանեց. «ԱԺ նախագահ դառնալու համար երազներ պետք չեն, այդտեղ մե՜ծ աշխատանք է պետք: Անում, անում, անում ես, ինչ-որ տեղ հասարակությունը նաեւ գնահատում է»:
Մեր հարցին՝ անցյալ տարի ասացիք, որ սկյուռ եք ուզում ձեռք բերել, ձեռք բերե՞լ եք՝ նա պատասխանեց, որ Ազգային ժողովի համար էր ուզում. «Այո, ԱԺ-ում կա հիմա»:
Հարցին՝ ուսումնասիրություններ կան, որ Հայաստանի երեխաների կեսից ավելին աղքատության մեջ է ապրում, ի՞նչ պիտի անի իշխանությունը՝ երեխաներին իսկապես պաշտպանելու համար՝ նա պատասխանեց. «Ոչ միայն իշխանությունը, այլ ամբողջ հասարկությունը: Մեր վիճակն այնպիսին է, որ մենք չենք կարող համեմատվել ուրիշ պետությունների հետ, մեր վիճակը այսօր այսպիսին է: Իսկ ինչ պիտի անի ընդհանրապես հասարակությունը, եւ նաեւ իշխանությունները՝ ամեն ինչ պիտի անենք, որ երեխան կարողանա կայուն, իր զարգացման աստիճանով հնարավորինս գոյատեւի հասարակության մեջ»:
Կարդացեք նաև
Հարցին՝ Դուք ինչպիսի՞ երեխա եք եղել՝ նա պատասխանեց. «Խելոք, հետո չար, հետո՝ ավելի չար, հետո՝ նորից չար: Էսօր էլ չարաճճի չեմ, բայց որպես քաղաքականության մեջ, համարում եք ինձ չարաճճի»:
Հռիփսիմե ՋԵԲԵՋՅԱՆ
