Արդեն տեղեկացրել ենք, որ սպառողների համար գազի սակագինն այսօր սահմանվեց 146.7 դրամ, նախկինում 1խմ գազը 156 դրամ արժեր: 146.7 դրամով սպառողները վճարելու են հուլիսի 1-ից:
Հանրային ծառայությունները կարգավորող հանձնաժողովի այսօրվա նիստից հետո «Գազպրոմ Արմենիա» ընկերության տնօրեն Վարդան Հարությունյանը լրագրողների հետ զրույցում ասաց, որ այսօր սահմանված սակագինն առավելագույնն է, որ հնարավոր է եղել նվազեցնել:
Հարցին՝ վերջնական՝ սահմանից մինչեւ սպառող սակագնի ձեւավորման վրա ի՞նչ գործոններ են ազդում, Հարությունյանն ասաց. «Բազմաթիվ գործոններ, ամենաէականը պահպանման- շահագործման ծախսերն են: Ներդրումները, որը պետք է արվեն, որպեսզի հետագա սերունդները հուսալի գազաբաշխման համակարգ ունենան: Չանելու դեպքում վաղը, մյուս օրը այդ ամբողջը կորցնելու ենք: Այսօր գազատրանսպորտային համակարգում ունենք 50 տարվա խողովակներ, այդ 50 տարվա խողովակները մեր պապերի թողած խողովակներ են: Ոչինչ չե՞ք ուզում, որ կառուցենք, ոչինչ չթողնե՞նք մեր սերունդներին»:
Մանրամասն՝ տեսանյութում
Կարդացեք նաև
Վարդան Հարությունյանն ասաց, որ արդեն մշակված է գազամատակարարման գլխավոր հատակագիծը, որը ներկայացվել է կառավարության հաստատմանը:
Նելլի ԲԱԲԱՅԱՆ
