Բելառուսի նախագահ Ալեքսանդր Լուկաշենկոն վավերացրել է ԵՏՄ և Վիետնամի միջև ազատ առևտրի համագործակցության փաստաթուղթը։ Այս մասին տեղեկացնում է բելառուսական belta.by կայքը։
Տեղեկացնենք, որ ԵՏՄ-ի և Վիետնամի միջև ազատ առևտրի ռեժիմ սահմանելու մասին փաստաթուղթը ստորագրվել է դեռևս 2015թ. մայիսի 29-ին։ Ըստ պայմանագրի՝ ԵՏՄ-ի և նրա անդամ պետությունների ու Վիետնամի միջև սահմանվելու է 0% մաքսատուրք՝ ապրանքների շուրջ 60%-ի պարագայում, իսկ արդեն 2025թ. ապրանքների շուրջ 90%-ի համար կսահմանվի 0% մաքսատուրք։
Տեղեկացնենք նաև, որ Բելառուսի նախագահ Լուկաշենկոն ժամանել է Ղազախստան, որտեղ նախատեսված է նրա մասնակցությունը ԵՏՄ բարձրագույն խորհրդի նիստին։ Աստանա ժամանած Բելառուսի նախագահը երկկողմանի հանդիպում է ունեցել նաև Ղազախստանի նախագահ Նուրսուլթան Նազարբաևի հետ։
