«Մենք 45 միլիոն եվրո էինք տրամադրել տարբեր ծրարգրերի համար, եւ այժմ հավատացած ենք, որ դա լավ որոշում էր»,- մայիսի 30-ին Հայաստանի Հանրապետությունում արդարադատության ոլորտում 25 տարիների ընթացքում իրականացված բարեփոխումներին նվիրված համաժողովի ընթացքում ասաց Հայաստանում ԵՄ պատվիրակության ղեկավար Պյոտր Սվիտալսկին:
Նա նշեց, որ արդարադատությունը առանցքային գործոն է հաջող փոփոխությունների համար, եւ առանց արդարադատության համակարգի արդյունավետ փոփոխության հնարավոր չէ հաջողությամբ ազատական համակարգ ձեւավորել. «Դուք չեք կարող արդյունավետ արդարադատության համակարգ կոռուպցիոն երեւույթների պատճառով, քանի դեռ երկրի շատ քաղաքացիներ կարծում են, թե առավել են, քան մյուսները: Սա խնդիր է շատ երկրների համար, որոնք 25 տարի առաջ սկսել են փոփոխություններ կատարել Հայաստանի հետ միասին»:
Պյոտր Սվիտալսկին համարում է, որ այս ոլորտում մարտահրավերները շատ են եւ կառավարությունը պետք է իր աշխատանքները ավելի ինտենսիվացի. «Կարծում եմ՝ մենք պետք է պատրաստվենք, որ արդարադատության պահանջը ոչ միայն Հայաստանում, այլ ընդհանրապես Եվրոպայում, կավելանա: Մարդիկ կսկսեն արդարադատության համակարգից սպասել ավելին: Արդարադատությունը, պարզ ասած, կդառնա կարեւոր մի բան կդառնա սովորական քաղաքացիների համար: Հավատացած եմ, որ առաջիկա տարիներին արդարադատության պահանջը կավելանա»:
Ամի ՉԻՉԱԿՅԱՆ
