ՀՀ կառավարությանն առընթեր անշարժ գույքի կադաստրի պետական կոմիտեի նախագահ Մարտին Սարգսյանն առանց ծառայողական մեքենա չի մնա:
Նշենք, որ լրատվամիջոցներում տեղեկություն էր տարածվել այն մասին, թե ՀՀ վարչապետ Հովիկ Աբրահամյանի`կրճատումներ կատարելու հանձնարարականի պատճառով կատաստրոֆիկ իրավիճակ է ստեղծվելու անշարժ գույքի և կադաստրի պետական կոմիտեում. այստեղ կրճատվում են բոլոր 15 սպասարկող մեքենաները, որոնք բոլորն էլ ամրակցված են եղել ՊՈԱԿ-ներին: Մտավախություն կա, որ բուն կոմիտեին սպասարկող մեքենա այլևս չի լինի, և անգամ կոմիտեի նախագահը ավտոմեքենա չի ունենա:
Aravot.am-ի հարցին`ինչպե՞ս է կարգավորվելու այս խնդիրը, կոմիտեի տեղեկատվության և հասարակայնության հետ կապերի բաժնի պետ Լուսինե Նազարյանը պատասխանեց, թե տարածված տեղեկատվությունը չի համապատասխանում իրականությանը և պարզաբանեց. «Մեր հաշվեկշռում կար 56 մեքենա, որից այժմ 41-ը մնալու է կոմիտեի հաշվեկշռում: Համակարգը մեծ է. ունենք մարզային, տարածքային ստորաբաժանումներ, մեկ տեսչություն: Այնպես որ, 41 մեքենա կմնա մեր հաշվեկշռի վրա»:
ՀՀ ԱԺ-ում 2015 թվականի պետական բյուջեի կատարողականի հաշվետվությունների ներկայացման ժամանակ կոմիտեի նախագահի տեղակալ Աշոտ Մուսայանն էլ հայտարարեց, թե 2016-ին իրենք կրճատել են մեքենաների վրա կատարվելիք ծախսերը` հասցնելով 2,6 միլիոն դրամի, իսկ 2015-ին այդ ծախսերը կազմել են 3 միլիոն դրամ:
Կարդացեք նաև
Տաթև ՀԱՐՈՒԹՅՈՒՆՅԱՆ
