«Երբ պետության մեջ, որը փակում է «Ազատություն» ռադիոկայանի գրասենյակը, ԵԱՀԿ գրասենյակը, որտեղ Բուդապեշտում հայ սպային կացնով սպանած մարդասպանին ազգային հերոսի կոչում են տալիս, որտեղ ազգային հերոս են դառնում այն մարդիկ, որոնք խոշտանգում են մարմինները, ցուցադրում գլխատված տարեց մարդկանց, անցնում են Առաջին համաեվրոպական խաղեր, ՄԱԿ քաղաքակրթությունների ֆորում, դա պարզապես խայտառակություն է»,- երեկ հայտարարել է ԼՂՀ նախագահի մամուլի քարտուղար Դավիթ Բաբայանը՝ անդրադառնալով Ադրբեջանում միջազգային խոշոր միջոցառումների անցկացմանը:
«Մենք խայտառակություն ենք համարում նմանատիպ միջոցառումների կազմակերպումը: Մենք բազմիցս հայտնել ենք, որ նման քաղաքականությամբ միջազգային համայնքը ու մի շարք քաղաքակիրթ պետություններ թեւավորում են ագրեսորին»,- շեշտեց Դ.Բաբայանը՝ միանգամայն տեղին նկատելով, որ նման մոտեցումներից Ադրբեջանը, ավելի ճիշտ՝ այդ երկրի մարդատյաց ղեկավարությունը, «թեւավորվում» եւ ավելի ագրեսիվ քաղաքականություն է վարում:
Դավիթ Բաբայանը երեկ անդրադարձավ նաեւ Ալիեւի հայտարարությանը, թե հայկական կողմը քիմիական զենք է կիրառել: ԼՂՀ նախագահի խոսնակը նշեց, որ ագրեսորը փորձում է քողարկել իր կողմից թունավորման բազմաթիվ փաստերը, որովհետեւ Ադրբեջանն այն պետություններից է, որն ինքն է բազմիցս թունավոր նյութեր կիրառել Արցախի բնակչության նկատմամբ:
Պարոն Բաբայանը հիշեցրեց, մասնավորապես, 1990-ին Ստեփանակերտի ջրամատակարարման ցանց թունավոր նյութ լցնելու դեպքի մասին: Նա որեւէ կասկած չունի, որ հնարավորություն ունենալու դեպքում ադրբեջանական կողմը թունավոր նյութեր կկիրառի:
Կարդացեք նաև
Տ. ՄԻՐԶՈՅԱՆ
Հոդվածն ամբողջությամբ կարող եք կարդալ «Հայոց աշխարհ» թերթի այսօրվա համարում
ասոր ել կ’ասեն՝ «այրած սրտի մխիթարանք»…
երանի մենք կարողանայինք այդքան միջազգային ձեռնարկներ ունենալ Հայաստանում
Ադրբեջանը ի՜նչ որ ուզէ, անում է, տեւաբար բռնաբարում է օրինական եւ բարոյական համաշխարհային բոլոր չափանիշները, եւ դեռ համայն աշխարհը խոնարհում է նրա առջեւ, աչք փակում ամէն բանի վրայ, եւ այդ կարծեցեալ երկիրը վերածում միջազգային միջոցառումների աշխոյժ կեդրոն
խայտառակութի՞ւն…
երանի մենք կարենանք այդքան խայտառակ լինել…