Խորհրդային Ադրբեջանում 1988-1992թթ. այդ երկրի ցեղասպան գործողությունների հետեւանքով(Բաքվի, Սումգայիթի ջարդեր) փախստական է դարձել մոտ 660.000 հայ: Այս մասին այսօր` մայիսի 27-ին, «Մոդուս Վիվենդի» կենտրոնում մի շարք հասարակական-քաղաքական գործիչների մասնակցությամբ տեղի ունեցած քննարկման ժամանակ ասաց Ադրբեջանական ԽՍՀ-ից փախստականների համագումարի համակարգող Մարիամ Ավագյանը:
«Երբ Նախիջեւանը եւ ԼՂԻՄ-ը հայտնվեցին նորաստեղծ Ադրբեջանական ԽՍՀ-ի կազմում, բնիկ հայերը դարձան Խորհրդային Ադրբեջանի պետականաստեղծ ժողովուրդ: Ի սկզբանե Ադրբեջանի երեք պետական լեզուների թվում եղել է նաեւ հայերենը: 1988թ.-ին Բաքվի ռեժիմը որոշեց, որ հայաթափումը պետք է իրողություն դարձնի»,-հավելեց Ավագյանը:
Նա ընդգծեց, որ հայաթափումից հետո է սկսվել Արցախյան պատերազմը, սակայն ՀՀ եւ Արցախի իշխանությունները ոչինչ չեն ձեռնարկել` փախստականների խնդիրը բարձրաձայնելու համար. «Այսօր միջազգային հարթակ է հանվել «Մադրիդյան սկզբունքներ» կոչվածը: Մենք դեմ չենք, որ Մինսկի խմբի շրջանակում դրվեն հակամարտության կարգավորման հարցեր, բայց «Մադրիդյան սկզբունքներ»-ում ադրբեջանական ԽՍՀ-ից տեղահանված 660.000 հայության իրավունքների մասին ոչ մի բառ չկա: Կներեք, բայց այսօր պաշտպանում են շների եւ միասեռականների իրավունքները, իսկ 660.000 հայության իրավունքները ոտնահարվել եւ շրջանցվել են հայկական քաղաքական վերնախավի եւ միջազգային հանրության կողմից»:
Մարիամ Ավագյանը հստակեցրեց, որ համագումարը փորձում է բարձրաձայնել փախստական-հայերի իրավունքների մասին. «Այդ տարածքները մեր վերնախավը «օկուպացված» է որակում, մինչդեռ մենք իրավունք ունենք այդտեղ ապրելու: Ադրբեջանցի փախստականների հետ համատեղ կապրենք այն դեպքում, երբ մեր իրավունքներն իրացվեն»:
Կարդացեք նաև
Տեսանյութը` քիչ ուշ:
Լուիզա ՍՈՒՔԻԱՍՅԱՆ
Ադրբեջանը համապատասխան հատուցում պետք է տա 600,000 հայ փախստականներին և այս հարցը կբարձրացվի միմիայն այս կառավարության վերացումից հտեո:Եթե պետք լիներ, մինչեվ հիմա մի բան արած կլինեին,ՌԴ անվտանգության կոշտ հրամանից հետո,«ՍԱՌԵՑՆԵԼ ԱՅԴ ՀԱՐՑԸ» ոչ ոք դա նույնսկ իրավունք չունի քննադաելու: