«Բլից Ինֆո» մամուլի ակումբում այսօր` մայիսի 27-ին, Aravot.am-ն ԱԻՄ առաջնորդ Պարույր Հայրիկյանին խնդրեց կարծիք հայտնել 1992թ. նախագահ Լեւոն Տեր-Պետրոսյանի եւ ընդդիմադիրների հանդիպման մասին, երբ մի շարք ընդդիմադիրներ պատերազմական իրավիճակում պահանջում էին Տեր-Պետրոսյանի հրաժարականը:
«Ամենահզոր ցույցը եղել է 1993թ. փետրվարի 5-ին, որը մենք էինք գլխավորում: Ցույցը Լեւոն Տեր-Պետրոսյանին Սահմանադրությունն ընդունելու պահանջ էր ներկայացրել, բայց ժողովուրը հանկարծ շեղվեց եւ մոլեգնորեն սկսեց պահանջել Տեր-Պետրոսյանի հրաժարականը: Եթե ժողովրդի կողմից ընտրված արդար նախագահ է, պատերազմի ժամանակ ինչպե՞ս կարող է խոսք լինել գլխավոր հրամանատարի հրաժարականը պահանջելու մասին: Բայց քաղաքացու իրավունքն է` պահանջել իր սպասավորի հեռացումը, եթե այդպես ճիշտ է թվում: Իշխանավորները ժողովրդի սպասավորներն են»,-ասաց Հայրիկյանը:
Նրա խոսքով` պետք է այնպես անել, որ երկիրը պատերազմի առաջ չկանգնի, ոչ թե արդեն պատերազմական իրավիճակում քննարկել, թե որքանով է ճիշտ կամ սխալ գերագույն գլխավոր հրամանատարի հրաժարականը պահանջելը:
Այլ մանրամասները` տեսանյութում:
Կարդացեք նաև
Լուիզա ՍՈՒՔԻԱՍՅԱՆ
